IIV yo‘l harakati xavfsizligi xizmati tizimida «Yagona avtomatlashtirilgan axborot tizimi»ni joriy etdi. Tizimdagi profilaktik ishlar sabab YIDXP va Davlat xizmatlari markazlarida eski haydovchilik guvohnomasini yangisiga almashtirish vaqtincha cheklanadi.
Prezident farmoniga asosan Davlat xizmatlari agentligi va Intellektual mulk agentligi Adliya vazirligi tarkibida departament sifatida qayta tashkil etiladi. Vazirlikda boshqaruv tuzilmalari 666 tadan 222 taga, bir-birini takrorlovchi vazifalar 34 foizga, funksiyalar 46 foizga, harajatlar esa 84,5 mlrd so‘mga qisqaradi. Avvalroq, vazir Ruslanbek Davletov DXA tizimidagi xodimlar soni qisqarishini emas, aksincha ortishini aytgandi.
Davlat xizmatlari agentligi eski haydovchilik guvohnomasini majburiy almashtirish muddati tugayotgani munosabati bilan DXMlarga kuniga 700 nafargacha fuqaro murojaat qilayotganini ma’lum qildi. Shundan kelib chiqib, endi poytaxtning 10 ta tumanidagi DXMlar yangi guvohnomani berish uchun so‘nggi mijoz qolgunicha faoliyat ko‘rsatadi.
Endilikda ichki ishlar bo‘limlaridan tashqari, ayrim davlat xizmatlari markazlarida ham xorijga chiqish biometrik pasportini olish mumkin. Yil oxiriga kelib, bunday imkoniyat barcha DXMlarda paydo bo‘ladi.
Bolalar bog‘chasiga navbatga qo‘yish, ijro holati bo‘yicha qarzdorlikni, kadastr obyektiga va xorijga chiqishga taqiqni aniqlash, tadbirkorlar ma’lumotlarini avtomatik tarzda, mobil qurilmadagi USSD so‘rovi yordamida olish imkoniyati yaratildi.
Iyul-sentabr oylarida FHDYO organlari tomonidan qarindosh bo‘lgan 675 nafar kelin-kuyovning nikohlari qayd qilingan. Eng ko‘p bunday nikoh qayd qilingan hududlar Surxondaryo, Qashqadaryo va Sirdaryo viloyatlari hissasiga to‘g‘ri keladi.
DXA ma’lumotlariga ko‘ra, 3,6 mln haydovchi eski namunadagi haydovchilik guvohnomasini yangisiga o‘zgartirgan. 2 mln ndan ortiq kishi esa hali ham o‘zgartirmagan. Agentlik navbatlarning oldini olish uchun yaratilgan qulayliklarni yana bir bor eslatib o‘tdi.
Nogironligi bor shaxslarga davlat xizmatlaridan foydalanishda to‘lovlar uchun chegirmalar beriladi. Prezident dushanba kungi taqdimot vaqtida ayni shu bo‘yicha mutasaddilarga topshiriqlar bergan. Qolaversa, xizmatlar sonini yil yakuniga qadar 157 tadan 200 taga yetkazish vazifasi ham qo‘yilgan. Bundan tashqari, Yagona interaktiv davlat xizmatlari portali faoliyati tanqid ostiga olingan.
Joriy yilning ilk uch oyida davlat xizmatlarini ko‘rsatish sohasida 108 mingdan ortiq qonun buzilishi holati aniqlandi. Shundan, 79 mingdan ortig‘i muddat buzilishi va 1129 tasi ortiqcha hujjat talab qilishga to‘g‘ri kelmoqda. Eng ko‘p qonunbuzarlik kommunal tashkilotlari bilan bog‘liq bo‘lib, 88 509 ta holat qayd etilgan. Natijada 20 nafar mansabdor ishdan olingan.
«Shavkat Miromonovich Mirziyoyev» nomi bilan ro‘yxatga olingan oilaviy firma nomi «Toshkent Chilonzor Trade», «Joe Biden» MCHJ esa «White Eagle 070» etib qayta nomlandi.
«Gazeta.uz»ning Toshkentdagi DXMlar xodimlari 10 oy yarim stavka oylik bilan ishlagani haqida xabariga munosabat bildirildi. Davlat xizmatlari agentligi xodimlar mehnatiga to‘liq haq olganini qayd etdi. Ularning nima sababdan va aynan qachondan yarim stavkaga o‘tkazilgani haqidagi masala esa ochiq qolmoqda.
Toshkent shahrida joylashgan 11 ta Davlat xizmatlari markazlari xodimlari 10 oy davomida yarim stavka oylik maoshga to‘liq ish rejimida faoliyat yuritgani ma’lum bo‘ldi. Mazkur holat bo‘yicha DXA Toshkent shahar boshqarmasi boshlig‘i Sanjar Abdullayev: “To‘g‘ri, to‘liq stavkada emas. Lekin, yarim stavka degani u majburiy emas, ishlaganiga albatta haq to‘langan. Qonunga zid ravishda mehnat olib bormagan”, — deya tushuntirish berdi.
Davlat xizmatlari agentligi tomonidan ishlab chiqilgan qaror loyihasiga ko‘ra, Apostil qo‘yishni elektron ko‘rinishga o‘tkazish belgilanmoqda. Apostilni maxsus elektron dasturi orqali himoyalangan elektron hujjat shaklida qo‘yish taklif etilmoqda.
Toshkentdagi 11 ta tuman Davlat xizmatlari markazlarida tajriba tariqasida surdo-online planshetlari ishga tushirildi. Endilikda gapirish va eshitish bilan bog‘liq imkoniyati cheklangan shaxslar surdo tarjimonsiz istalgan davlat xizmatlaridan foydalanishlari mumkin.
Ulug‘bek Muhammadiyev Adliya vazirligi huzuridagi Davlat xizmatlari agentligi direktori etib tayinlandi.
Adliya vazirligi matbuot kotibi Davlat xizmatlari agentligining Navoiy viloyati boshqarmasi bosh yuriskonsulti Adhamjon Dexkanov vafot etganini, hamda unda COVID-19 infeksiyasi aniqlanganini ma’lum qildi.
Qo‘shimcha imkoniyatlarga ega bulish uchun saytda ro‘yxatdan o‘ting